Chhǹg過時空ê pōng-khang〈湯島の白梅〉優美ê旋律輕輕pàng送，愛人á tòe著春風ê跤步浪漫起舞，溫柔ê眼神、愛嬌ê模樣是咱情緣ê手模，這tīⁿ滿滿ê幸福有酸甘甜á酸甘甜ê氣味，彼年咱tī愛河邊牽手譜出屬於你我ê愛情，一幕koh一幕……
華語翻譯：穿過時空的隧道，輕輕傳來〈湯島の白梅〉優美的旋律，戀人隨著春風的腳步浪漫起舞，溫柔的眼神、嬌羞的模樣是見證我倆愛情的手印，這滿滿的幸福酸中帶甜，那一年，我們在愛河邊牽手譜出屬於你我的愛情，一幕又一幕……
熟似你，親像是cha-hng ê代誌
彼年咱佇愛河邊熟似ê情景，親像電影ê劇情
這má想–起-來，家己閣會微微á笑
笑講
媠kah若一芯花ê我，若會kah意你chit-ê戇大呆
華語翻譯：認識你，像是昨日才發生的事
那年我們在愛河邊相識的情景，猶如電影般的情節。現在回想起來，自己還會忍不住的笑了
笑說
美得像一朵花的我，怎會愛上你這個呆頭鵝
雖bóng少年真濟人teh逐，m̄-koh冥冥之中有一條線
kā你我牽tiâu-tiâu
你ê溫柔深深感動我
害阮bô-tiuⁿ-tî soah墜入愛河
心像pha̍k著日頭ê冰角，真緊就溶–去
華語翻譯：雖然年輕時有不少追求者，但冥冥之中有一條線
將你我牢牢牽住
你的溫柔深深感動我
害我不經意墜入愛河
冰冷的心霎時遇見陽光，不一會兒就溶化
Oat頭看
過去ê每一幕lóng是記tî ê翅股
飛過 情話綿綿
飛過 藏袂tiâu ê幸福
飛過 風雲變色ê情路
飛過 美麗佮哀愁
飛過 khah愛mā是你ê彼條路
華語翻譯：回首過去
每一幕都是記憶的翅膀
飛過 情話綿綿
飛過 藏不住的幸福
飛過 風雲變色的情路
飛過 美麗與哀愁
飛過 最愛還是你的那條路
牽手kiâⁿ過春夏秋冬
歲月ê花蕊發出美麗ê清phang
才知影你溫暖ê胸khám
是我一世人倚靠ê港
華語翻譯：牽手走過春夏秋冬
歲月的花朵散發著美麗的香氣
才知道你溫暖的胸膛
是我一輩子倚靠的港灣
青春少年kiâⁿ到taⁿ
才知影nā毋是寒天ê風雪，ná知影珍惜春天ê花蕊
nā毋是凝心刻骨ê痛，ná知影幸福就是有你作伴
nā毋是是非ê考驗，ná知影tiām-tiām守護是你愛ê心si
華語翻譯：年少一路相伴至此
才知道若不是冬天的風雪，怎麼會珍惜春天的花朵
若不是刻骨之痛，怎會知道幸福就是有你相伴
若不是是非的考驗，怎會知道靜靜守候是你愛的心思
心愛ê牽手
感謝你一路用愛chit出溫暖ê網
這ê網 有咱永遠袂退色ê夢
這ê夢 有咱永遠袂變心ê約束
這一路行–來
我ê幸福因為有你
華語翻譯：心愛的
感謝你一路用愛織出溫暖的網
這個網 有我們永遠不會退色的夢
這個夢 有我們永遠不會變心的約定
這一路走來
我的幸福因為有你
30年後，愛河邊koh再遠遠傳來〈湯島の白梅〉ê歌聲，一句一句in纏性命hú袂掉ê khî，陣陣ê旋律流過一lēng一lēng ê傷痕，大時代ê悲劇造成bô-ta-ôa ê創傷，我目kim-kim看著我無法度回頭ê青春kap歲月，ko͘-put-chiong流下thiàⁿ心ê目屎。
再會lah，我心愛ê牽手；再會lah，我幸福ê人生。
華語翻譯：30 年後，愛河邊又再傳來〈湯島の白梅〉的歌聲，一句句纏繞著那生命擦不掉的傷疤，陣陣的旋律流過一條又一條的傷痕，大時代的悲劇造成無奈的創傷，我眼睜睜看著我無法回頭的青春與歲月，不得已流下痛心的眼淚。
再見了，我的愛人；再見了，我幸福的人生。
評論被關閉。